25 қыркүйек күні Қарағанды жоғары «Bolashaq» колледжінің базасында «Өндірістегі 10 күн» акциясының қорытынды кезеңі — «Өндіріс → білім беру» форумы ұйымдастырылды.Форум барысында акция аясында атқарылған жұмыстар қорытындыланып, колледж бен жұмыс берушілер арасындағы өзара байланысты одан әрі дамыту жолдары талқыланды.
Өндіріс орындарының қазіргі кадрларға қоятын талаптары сараланды;
мамандарға қажетті кәсіби құзыреттер айқындалды;
білім беру мен нақты өндіріс талаптары арасындағы алшақтықтар анықталды;
кәсіби дағдылар бойынша GAP-карта қалыптастырылды;
өндірісте қолданылатын заманауи технологиялар мен құралдар қарастырылды;
студенттер мен оқытушылардың ұсыныстары назарға алынды;
білім беру бағдарламаларын жетілдіруге бағытталған ұсыныстар әзірленді.GAP-карта арқылы өндірісте талап етілетін дағдылар мен білім беру барысында қалыптасатын құзыреттер салыстырылып, қосымша назар аударуды қажет ететін бағыттар белгіленді.Форумның маңызды нәтижелерінің бірі — колледж, жұмыс берушілер және «Атамекен» арасындағы бірлескен жұмысты жалғастыруға бағытталған үшжақты іс-қимыл жоспарының бекітілуі.Бұл бастама өндірістің нақты сұранысын білім беру мазмұнымен байланыстырып, студенттердің еңбек нарығына қажетті кәсіби дағдыларды меңгеруіне мүмкіндік береді.
